C’hoariva
Teatr brezhonek
Pedet eo bet Bernez Tangi ha Brieg Guerveno gant Michel Valmeire (rener ar sal Vasse) hag Yves Averty deus an Ajañs Sevenadurel Breizh.
Ar strollad c’hoariva JOYI, ar strollad c’hoariva evit ar vugale MILTAMM, studierien SKOL AN EMSAV, skolajidi RUTIGLIANO ha liseidi o studiañ ar brezhoneg e LA COLINIERE e Naoned, a ginnigo testennoù skrivet gant an daou oberer.
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
