C’hoariva
Teatr brezhonek
Abadenn skignet e miz Du 2005 war radio Kerne.
Da geñver Gouel Bro Douarnenez e oa bet pedet ar strollad c’hoariva Barzhanoff, ur gompagnunezh eus Roazhon leun a youl hag o deus skrivet ha leurennet "Kig & Faltazi". Bac’het eo an implijidi un dibenn-sizhun-pad er burev.
Ur mod da ziskouez an doare ma c’hoari ar gwask war an dud.
Evit klevout Meriadeg, Olier, Christine, Gwilherm, Marie-Thérèse aterset gant Solenn Georgeault : lec’hienn an Tour Tan.
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
