C’hoariva
Teatr brezhonek
C’HOARIVA -"KROAZ-HENT"
Abadenn skignet e miz Ebrel 2003 war radio Kerne.
Da geñver ar gouel "Kornog-norzh-kornog c’hoarivaoù ar bedoù keltiek" e oa kinniget e c’hoariva Kerne gant skolajidi Diwan Kemper ur pezh-c’hoari, "Kroaz-hent", renet gant Nolwenn Korbell. Reportaj e-pad ar bleustradeg veur gant Skolajidi Diwan Kemper ha Fanny Chauffin, ouzh mikro Laëtitia Fitamant.
Selaou un tamm deus an abadenn war an Tour Tan.
Gant :
Skolajidi Diwan Kemper, Fanny Chauffin, Nolwenn Korbel.
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
