C’hoariva
Teatr brezhonek
Abadenn skignet d’an 13 a viz Du 2012 war radio An Aodoù (Buhez - kaset da benn gant Kristian Braz).
Aterset eo bet komedianed ar strolladoù Plon’8 (eus bro Gerne) ha C’hoari las (eus bro Dreger) war o fezh-c’hoari "Sul" ha "Brezel al Lastez", c’hoariet da geñver an trede Festival Brezhonek aozet gant C’hoariva.
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
