Teatr brezhonek

Degemer al lec’hienn > Kreizenn dafar > Diazlec’h ar pezhioù-c’hoari

Diazlec’h ar pezhioù-c’hoari

Ar veaj organizet

Bloavezh

Pezh skrivet gant

Live yezh

  • Resisadurioù war ar yezh :

    Yezh buhezek, startijenn. Troiennoù brezhonek ha troiennoù liv ar galleg enne ivez.

Listenn pezhioù ar rummad

  • Anv ar pezh : Ar veaj organizet
  • Padelezh : 20 mn.
  • Niver a dudennoù : 2
  • Paotred : 1
  • Merc’hed : 1
  • 1 akt
  • Tudennoù :

    Adrian
    Etre 60 ha 65. labourer douar war e leve.
    Soaz
    E wreg.
  • Diverrañ :

    Ur c’houplad oc’h aozañ e veaj. Leun e vo ar malizennoù gante.

    Soaz zo oc’h kargañ ar valizenn evit mont d’ar veaj dek devezh, e Bilbao. Sañset n’eo ket ret kas boued met aon he deus Saoz rak debriñ kalz-na-vern petra : karget eo ar valizenn leun a voued.
    Dilhad he deus prenet d’he gwaz, « diouzh ar c’hiz » met ne fell ket d’Adrian o kemer.
    Penn ar fin e pleg ar paotr war bep tra... hag eh omp kuit, karget m’emañ ar paotr gant ar sac’h hag an div valizenn...

  • Kinkladur :

    Ur sal-debriñ pe ur gambr, en ur barrez e Breiz. Arrebeuri zo, met n’eus netra kalz resis.
    Ur sac’h bras ha div valizenn ; hag a beb seurt traoù e-barzh : boued, kafe…

  • Gwiskamentoù :

    Gwisket eo an daou gant dilhad boutin.
    Dilhad all : ur short, roched liesliv… « diouzh ar c’hiz »

  • Titouroù ouzhpenn :

    Eilvet rummad pezhioù-c’hoari embannet e-barzh Brud Nevez : "Pezioù-c’hoari II".

  • Ti-Embann :

    Ti-Embann : Emgleo Breiz. Bloavezh : 1981.

Kartenn lec’hioù emañ al levr

Kavout a reoc’h er rubrikenn un niveradeg deus ar pezhioù-c’hoari e brezhoneg pe lakaet e brezhoneg. Evit pep pezh-c’hoari e kavoc’h ivez titouroù war ar skrivagner (diouzh ma vez).

Ar renabl-mañ n’eo ket klok tamm ebet pell aleze. Bouetet e vo tamm ha tamm, diouzh an titouroù a vo dastumet hag hon amzer evit mont pelloc’h ganti.
Diazez an niveradeg-mañ zo bet savet diwar labour ur studier : Denez Dorso. Kinniget en deus ur c’houn-skrid master e fin 2012 e skol-veur Roazhon 2 : «Ar c’hoariva brezhonek : Renabl ar pezhioù-c’hoari skrivet en XXvet kantved. Ur sell war ar c’hoariva etre 1945-1980». Renablet en deus 408 pezh-c’hoari deus ar prantad-mañ ha 49 en o zouez a oa bet studiet gantañ en un doare pisoc’h. Se zo kaoz e kavoc’h berradennoù ha titouroù war an tudennoù evit ul lodenn vihan deus ar pezhioù-c’hoari.

M’ho peus anaoudegezh deus pezhioù-c’hoari zo (renablet pe get el lec’hienn) e c’hellfec’h reiñ an dorn deomp evit klokaat al labour-mañ hag e giz-se kemer perzh er c’hlaoustre-mañ hag a zo bodañ (en un doare niverel) ur glad hep priz ebet.
Mont e darempred.
Mersi bras deoc’h e a-raok.

Kas ur gemennadenn