C’hoariva
Teatr brezhonek
Abadenn margodennoù
Ur gontadenn hengounel breton eo Luduennig.
Kontañ a ra penaos e teuas ur c’hoadour deus Kreiz-Breizh da vezañ roue Frañs.
Savet eo bet an abadenn a-ratozh evit ar vugale deus ar skol-vamm betek ar CM2.
Un abadenn gaer an hini eo, gant gouleier, sonerezh ha kanaouennoù. Lakaet e vez an arvesterien da gemer perzh enni.
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
