Mont a raio kuit a gont istor un den yaouank er bloavezhioù 1990, klañvet trumm diwar ar c’hleñved skizofreni pa oa 18 vloaz hag en em zistrujet seizh vloaz war-lerc’h. Savet diwar un istor gwir, ar pezh-c’hoari fromus-se a c’hellfe sikour an arvesterien yaouank hag o familhoù da gompren gwelloc’h an dud klañv o spered ha darev d’en em zistrujañ.
Sonerezh gant Tangi Le Gall-Carré, soner akordeoñs ha sonaozour.
Ur pezh-c’hoari skrivet gant Goulc’han Kervella
"War c’houlenn un tad a familh eo em eus skrivet ar pezh-c’hoari-mañ : e vab, 18 vloaz, a oa klañvet trumm diwar ar c’hleñved skizofreni. Seizh vloaz war-lerc’h e oa en em zistrujet. C’hoant en doa an tad e vefe savet ur pezh-c’hoari diwar an istor trist-se. Evit sikour anezhañ da harpañ ouzh ar glac’har hag ivez, marteze, ar re yaouank, klañv o spered ha darev d’en em zistrujañ."
Goulc’han Kervella
Leurenniñ : Goulc’han Kervella
Gant :
Maxime L’Hostis : Erwan, ar Mab
Didier Porchel : An Tad (evit ar pezh e galleg)
Goulc’han Kervella : An Tad (evit ar pezh e brezhoneg)
Nicole Le Vourc’h : Ar Vamm
Gwennaig Foulon : Ar Vedisinerez
Anna Morvan : Mignonez Erwan
Nathan Quenault : Ar Mestr
Kinkladur : Didier Porchel, Nathan Quenault
Gouloù : Egareg Kervella
Son : Egareg Kervella
Sonerezh : Tangi Le Gall-Carré
Darempred : Ar Vro Bagan - 02 98 04 50 06 -
Lec’hienn internet
