D’an dastumadoù kentañ er skolioù hag en AHDOD e miz Ebrel 2024 betek e annez diwezhañ evit krouiñ war leurenn, etre an 12 ha 16 a viz Mae 2025 er Chapel Derezo e Brest, Sinet MARIELLE a teu da vezañ ur gwir arvest.
Erruet eo ar gomedianez Mona Caroff (Marielle er pezh-c’hoari) war he marc’h-houarn plac’h al lizhiri evit labourat gant Mai Lincoln (skritur) ha Lola Le Berre (senografiezh). Marielle a ra tro skolioù Breizh gant he marc’h-houarn evit klask resever ul lizher kollet. Ur pezh-c’hoari perzhiadek e brezhoneg eo, gouestlet da bublik ar skolioù. An droiad arvestoù er skolioù a grogo e miz Here 2025. War varc’h-houarn ha gant an tren a vo graet an droiad.
Skipailh arzel :
- C’hoari : Mona Caroff
- Skritur ha leurenniñ : Mai Lincoln
- Leurennaozañ : Lola Le Berre
- Krouidigezh sonerezh : Quentin Morvan
- Krouidigezh son : Gwenole Peaudecerf
- Produiñ : Marie Guetière
- Kehentiñ ha skignañ : Katell Le Joncour
Titouroù :
Evit an arvest e vo ur stignad teknikel skañvaet evit gallout ober mont ha dont «dous» gant ur marc’h-houarn ha trenioù.
- Skipailh o treiñ : ur gomedianez hag un teknikour.ez.
- Padelezh an arvest : 45 mun
- Lec’hioù c’hoari : sal klas pe ur sal en diabarzh (hag a c’hell degemer ur marc’h-houarn)
- Jaoj : 50-60 skoliad pe daou strollad klas
- Liveoù skol : CP-CM2 / 7-12 vloaz
