Armelle Boulle en deus kemennet e penn kentañ ar miz ne vo ket gwelet ken strollad C’hoarivari war leurennoù ar vro. Siwazh deomp ! Ar strollad a youl vat nemetañ hag a c’hoarie e gwenedeg… Ur c’holl eo sur eo ha n’eo ket marteze evit lieseurted ar yezhoù hag evit ar c’hoariva e brezhoneg.
Hag Armelle da zisplegañ ez eus nebeutoc’h nebeutañ a aktourien, nebeutoc’h nebeutañ a arvestourien ha diaesoc’h diaesañ kavout amzer evit pleustriñ. Hag he da ouzhpennañ emaomp o vevañ ur mare start : evit an dud, evit ar c’hoariva ha gwasoc’h c’hoazh evit ar c’hoariva e brezhoneg hep komz eus ar gwenedeg… Evit echuiñ he a lâr eo ret chom gant ar spi hag a lak an dud da vont war-raok. Marteze un deiz bennaket e vo gwelet en dro ar strollad war al leurennoù… piv oar ?
Strollad C’hoarivari
Pezh c’hoari all ar strollad-mañ
-
Faltazi radio war-eeun gant Teatr Piba
-
Pelec’h pleustriñ war ar c’hoariva ?
-
La Comparsa : un eskemm arzel etrevroadel
-
Stajoù gant strollad La Obra
-
Emvod bras evit rouedad C’hoariva
-
Preder war dazont rouedad C’hoariva
-
Strollad liseidi Diwan 2016 : Etre Karaez ha ront
-
Teknikoù c’hoariva war ar prim
- Termenidi Diwan e levr ar rekordoù ?
-
Dizoloiñ arz ar furlukined
