C’hoariva
Teatr brezhonek
Ul levr dedennus evit an animatourien, ar c’helenerien hag an holl re o deus c’hoant treuzkas ar c’hoariva.
"C’hoarioù C’hoariva" a zo ul levr embannet gant Ti-Embann ar Skolioù
https://www.reseau-canope.fr/tes/produiou.php?pajenn=oberenn&retorn=degemer&id=71
Kenlabouret en deus C’hoariva gant TES evit sevel al levr-mañ.
Gallout a reoc’h pellgargañ ar fichennoù (pounner eo - 253 Mo)
hag ar videoioù.
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
