C’hoariva
Teatr brezhonek
Kinnig a ra SKED e Brest ur staj kino chakod evit ar grennarded etre ar 25 betek ar 27 a viz C’hwevrer e SKED, evit 8vet bloaz ar genstrivadeg Filmoù Chakod gant Daoulagad Breizh.
Lusket e vo gant un den a-vicher eus Canal Ty Zef ha desket ’vo krouiñ ur film chakod 3 munutenn e brezhoneg en ur dremen dre ar senario, ar filmañ hag ar frammañ.
Ar bloaz-mañ, tem ar genstrivadeg a zo Utopia. Peadra da brederiañ !
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
