C’hoariva
Teatr brezhonek
Krouiñ ur raktres c’hoariva er skol a chom posubl da ober. Meur a gomedian eus strolladoù rouedad C’hoariva a c’hell mont er skolioù evit krouiñ ha/pe ambrougañ ur raktres savet e-pad an amzer skol. Ul lodenn eus priz an eur a c’hell bezañ kemeret e karg gant ar stignad Skol c’hoariva eus Rannvro Breizh.
Ha tu zo ivez pediñ ur strollad da zont da c’hoari un abadennig er skol evel da skouer ar strollad Madarjeu gant e "Lennadennoù dizalc’h".
Evit muioc’h a ditouroù : skrivit deomp.
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
