C’hoariva
Teatr brezhonek
Goude Landerne ha Douarnenez e vo aozet Devezh ar brezhoneg e Plougastell ar bloaz-mañ. Bugale skolioù ar vro o do tro da dañva e meur a bleustr arzel e kerzh an devezh. C’hoariva en o zouez. Tangi Merien, aktour e strollad Ar Vro Bagan hag en daou Dangi a lako ar vugale da bleustriñ war ar c’hoariva. Plijadur d’an holl neuze !
Diouzh noz e vo ur Fest-Noz digor d’an holl.
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
