C’hoariva
Teatr brezhonek
Un abadenn dreistordinal war radio Kreiz Breiz kinniget da c’henver mizvezh ar brezhoneg.
E-kerzh an nozvezh e vo komzet eus a bep seurt traoù e galleg, galaoueg ha brezhoneg.
C’hoant ho peus kemer perzh ? Adal bremañ pellgomzit da Radio Kreiz Breizh ha leuskit dezho ho 06. Dimeurzh e voc’h galvet adalek 7e noz evit kontañ pe kanañ pe lârout un dra evidoc’h hepken ha war-eeun er radio.
Kit war RKB pe pellgomzit d’an 02 96 45 75 75
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
