C’hoariva
Teatr brezhonek
Kentelioù brezhoneg a vez heuliet ganeoc’h abaoe un nebeud bloavezhioù pe d’ar pevarlamm hag ezhomm ho peus un taol sikour evit bezañ en o aes dre gomz ?
Kinnig a ra deoc’h Ti ar Vro Leon 5 devezh staj gant Yann-Edern Jourdan, komedian e Strollad Madarjeu.
Kinnig a raio deoc’h pleustradennoù c’hoariva hervez live yezh an deskidi evit mont war-raok tamm ha tamm ha gellout distripañ aes ha fraezh.
Titouroù ha lakaat ec’h anv : Ti ar Vro Leon pe : 09 83 22 42 96
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
