C’hoariva
Teatr brezhonek
Ur pezh-c’hoari savet gant tud yaouank eus Bro Kemperle.
Dibabet o deus ar vugale labourat war ar gorriganed, gant c’hwec’h taolenn a c’hell bout c’hoariet stag, distag, hag a gont kontadennoù disheñvel, gant dansoù, kanaouennoù... "Korriganerien" eo anv ar pezh-c’hoari nevez-mañ.
Ar plijadur o do da c’hoari evit darvoudoù pouezus ar vro : festival Taol Kurun ha dirak skolidi brezhonegerien hag ivez, a-drugarez da "arz hag istor" e vo c’hoariet dirak tud nann-vrezhonegerien.
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
