La Caminata eo ur c’henlabour etre div gumpagnuniezh : La Obra hag an Andamio Teatro Raro deus Bro Gwatemala. Daou arzour gwatemaltiz zo erruet e Breizh e fin miz Here : Luis Carlos Pineda, leurenner ha Ruben Avila, komedian.
Labourat a reont a-gevret war dem an treuzvroañ. Ar pezh a vo c’hoariet e brezhoneg, spagnoleg hag istitlet e galleg.
Gant rezidañsoù krouiñ e ya war raok al labour :
- 15 - 19/11 : rezidañs e Plougerne.
- 21- 26/11 : rezidañs e Ti Ar Vro Kemper.
- 05 - 9/12 : rezidañs e Plabenneg.
- 19 - 31/12 : rezidañs e Ti an Dud e Douarnenez.
Kinnig a raio ar strollad un emgav gant ar publik goude pep rezidañs.
Abadenn gentañ : 14/01 Ti an Dud e Douarnenez
Da c’houde : 20/01 e Plabenneg
