C’hoariva
Teatr brezhonek
Evit kanañ en ul lazig-kanañ e-skeud ar pezh-c’hoari "Galnys" gant ar STROLLAD Cie Tro Didro hag a vo c’hoariet adal fin miz Meurzh.
N’eo ket ret dezho bezañ brezhonegerien gant m’o do bet kanet e brezhoneg dija (un tenor pe zaou zo ezhomm dreist-holl, ur vouezh voud vo deuet mat).
Renet e vo al labour gant Jean-Yves Le Ven.
Pleustradegoù (kan & c’hoariva) e Kernev Izel.
Abadennoù e Breizh a-bezh.
Evit gouzout hiroc’h skrivit deomp
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
