Un dek den bennaket a oa bodet e ti Sked evit an emvod meur.
Distroet omp war an oberoù savet ganeomp e 2016 ha savet hon eus ur poent war obererezhioù ar gevredigezh.
Un nebeut sifroù evit 2016 :
- 18 strollad c’hoariva e Breizh
- 81 abadenn kemennet war lec’hienn C’hoariva
- Ur 500 den bennak komanantet d’al lizher kelaouiñ miziek (n’eo ket kalz met spi hon eus d’ober gwelloc’h e 2017).
- 622 eurvezh graet e 21 skol gant tud a vicher evit tost 800 skoliad.
- 120 perzhiad deus 6 skolaj o kemer perzh en devezh c’hoariva ar skolajidi ha nav fezh kinniget.
- Ur Festival gant ouzhpenn 30 darvoud kinniget en o zouez 15 pezh-c’hoari disheñvel.
- Hag ur bern emvodoù evit lakaat ar c’hoariva e brezhoneg da vont war-raok : Brastres yezh kuzul departamant Penn-ar-Bed, Emgavioù-rannvro ar brezhoneg, Kuzul Sevenadurel Breizh, Rouedad an amatourien evit sevel karta ar pleustroù mat…
Ha raktresoù evit 2017 :
- Lakaat hor c’hreizenn dafar niverel da greskiñ.
- Dastum testennoù c’hoariva evit ar yaouankiz evit o lakaat da bellgargañ war lec’hienn C’hoariva.
- Stajoù evit an amatourien : stajoù digor d’an holl ha reoù all gouestlet da strolladoù ar rouedad (sikouret gant an DRAC).
- Krouiñ ur galv raktresoù evit an amatourien gant kevelerezh Rannvro Breizh.
- Sevel Devezh c’hoariva ar skolajidi ha heuliañ ar stignad Skol C’hoariva.
- Klask aozañ un eskemm etre rannvroel war ar c’hoariva en ur yezh minorelaet.
- Ha traoù all…
Ma emaoc’h dedennet evit kaout muioc’h a ditouroù : skrivit deomp.