Staj c’hoariva e brezhoneg

Ur staj evit an deraouidi pe an dud ampart kinniget da-geñver Festival Yaouank.
Ur staj aozet gant kevelerezh Skeudenn Bro-Roazhon, an ADEC35-Ti ar C’hoariva departamant an Il-ha-Gwilen ha C’hoariva.

Un devezh gouestlet d’ar c’hoariva, un nebeud eurvezhioù asambles evit mont war leurenn da c’hoari e brezhoneg. Pleustret e vo war ziazezoù ar c’hoariva en un aergelc’h distenn.

D’ar Sul 12 a viz Du etre 10e ha 5e noz.
Da raktresañ : dilhad (tomm) ha botoù gwevn, boued evit kreisteiz.

Enskrivadurioù : ADEC-Ti ar C’hoariva pe C’hoariva

C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.

Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.

Piv bennak ez oc’h e hetomp deoc’h donemat amañ hag ur weladenn vat.