C’hoariva
Teatr brezhonek
Ar staj-mañ zo un digarez evit ho pugale da c’hoari perzhioù a bep seurt e-barzh ur strollad, asambles gant bugale all ! E fin ar staj vo diskouezet ur pezh-c’hoari bihan dirak an dud (familh, mignoned...).
Staj c’hoariva e brezhoneg diouzh ar mintin evit ar vugale etre 6 ha 12 vloaz d’ar 14 betek ar 17 a viz C’hwevrer e Plougerne.
Priz : 30 € ar 4 mintinvezh.
Enskrivadurioù pe 02 98 04 50 06
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
