C’hoariva
Teatr brezhonek
D’an 22-23 a viz Genver e oa, 9 c’homedian amatour hag ur stummer evit labourat war c’heur an teatr ha treuzkas mouezh ar bobl, treuzkas gerioù, soñjoù hag oa bet fiziet en C’hoariva gant tud zo e-kerzh ar galv da skrivañ "Va yezh a garan rak…". Spi en deus ar strollad berrbad da c’hallout kinnig disoc’h al labour-mañ e-kreiz miz Mae e straedoù Breizh. E-pad tremen ar Redadeg marteze ?
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
