Stalioù e brezhoneg gant MilTamm
- Stal lies-arzoù (CM2 - Skolaj) :
D’al Lun 5e45-7e (kentell kentañ d’an 28/09) - Stal c’hoariva (CE1-CM2) :
D’ar Yaou 5e45-7e (kentell kentañ d’ar 24/09)
Teatr Miltamm
Kinnig a ra ar gevredigezh Mil Tamm kentelioù c’hoariva e brezhoneg evit ar vugale. Krouet eo bet gant Katell Leon. Er greizenn Yezhoù ha Sevenadur a vez aozet ar c’hentelioù.
Deskiñ a ra ar vugale kaout fiziañs. Pezhioù c’hoarioù bihan a zo bet kinniget e nozvezh Ene Breizh e 2018 ha 2019. Skrivet eo bet an testennoù diwar oberennoù Bernez Tangi, Brieg Guerveno pe Anjela Duval.
E 2018 eo bet kinniget ur pezh c’hoari gant Claude Burneau “Ne vez ket Ezhomm eus kalz a Dra” e Sant-Nazer, Naoned ha Sant-Ervlan.
E 2019 ar berzhidi o deus kinniget “Jessica”.
Evit muioc’h a ditouroù : mont e darempred gant Katell Leon
