C’hoariva
Teatr brezhonek
Un abardaevezh sirk e brezhoneg a ginnig Sked gant Skol Arzoù ar Sirk er Gabusined d’ar Sadorn 29 a viz Meurzh etre 14e ha 17e. Deuit ’ta da glask jangliñ, chom kempouezet war ur volotenn ha lakaat asiedoù da dreiñ ! Digor eo d’an holl liveoù brezhoneg, d’ar vugale ha d’an dud gour !
📍 Atelier des Capucins, Brest 29200
📅 Sadorn 29/03/2025 - 14h-17h
💬 E brezhoneg (holl liveoù)
ℹ️ 12€ evit an dud gour ha 10€ evit ar vugale - Ret eo en em enskrivañ
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
