C’hoariva
Teatr brezhonek
Ouzhpenn 25 den o doa kemeret perzh e staj kentañ ar raktres Kantren, d’ar 15 ha 19 a viz Meurzh 2025 er C’houarz e Brest. Ha plijadur a oa bet ganto !! M’ho peus c’hoant c’hwi ivez kemer perzh en avantur a-stroll-mañ evit deskiñ ha krouiñ, ne chomit ket da dortal, lakait hoc’h anv evit an eil staj hag a vo dalc’het d’ar 17 ha 18 a viz Mae e Montroulez !
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
