C’hoariva
Teatr brezhonek
Tudoù, emgav ’peus gant an Ankou !
Kenavo er Bed-all, "À bientôt dans l’Outre-Monde"
Beilhadeg 2.0 etre Masterclass, arz an teatr hag hini ar c’hontadennoù.
Un abadenn evit an holl adal 12 vloaz.
Padelezh : 1e15.
Skrivet ha kinniget gant : Laors Skavenneg.
Diwar : Mojenn an Ankou gant Anatole ar Braz.
Leurennet gant : Y-E Jourdan.
Produet gant : Mat ar Jeu.
C’hoariva zo ur c’hevread rannvro savet e 2005 evit bodañ, liammañ, ambroug ha bountañ war-raok ar stolladoù (amatourien hag a-vicher) ha dre vras ar c’hoariva e brezhoneg. A vloaz da vloaz eo aet war-raok ar gevredigezh.
Kavout a reoc’h el lec’hienn-mañ keleier diwar-benn ar strolladoù, ar pezhioù-c’hoari ha kement tra degouezhet a nevez e bed ar c’hoariva e brezhoneg.
Youl hon eus ivez da vont pelloc’h ganti ha da sevel ur benveg a vo renablet ennañ dafar skrivet evit ar c’hoariva. N’emañ ket ganeomp an dezo krouiñ un dra glok met m’ho peus c’hoant reiñ an dorn deomp evit pinvidikaat ha gwellaat al lec’hienn-mañ : grit mont e darempred gant ar gevredigezh. Mersi bras deoc’h en a-raok.
Piv bennak ez oc’h e hetomp deoc’h donemat amañ hag ur weladenn vat.
